Helburua
Begi-arreta garatzea.
Inguruko errealitatea arretaz begiratzea.
Parte-hartzaileak
Taldekide guztiak.
Materiala
Ez da behar
Jolas-eremua
Taldekide guztiak elkartzeko adina zabal den espazioa. Hara-hona mugitu beharko dutenez, altzariek trabarik ez egitea komeni da.
Denbora
10 min.
Nahi adina aldiz errepikatu daiteke jolasa ikasturtean zehar.
Garapena
• Gonbidatu taldekideak hara-hona mugitzera.
• Eman agindua:
Bila ezazu zure ikaskideen artean: esku biki bat, kolore bereko begi bikiak, oin biki bat, janzki biki bat, ile biki bat, irribarre biki bat, ibilera biki bat…
• Nork bere bikia topatu duenean, bukatu jolasa, edo hasi beste agindu batekin berriz.
